Futbol Eskolan izena eman duten gaztetxoen gurasoei zuzendua dago, irailaren 28rako goizeko 11:30etan Artzabalgo aretoan deitu duten hitzordua. Kirol urte berriaz jarduteko antolatu du bilkura, Usurbil FT-ko zuzendaritzak.
Iragan astean zuten, LH 3,4 eta 5.mailetan ikasten dabiltzanek (2003-2005 urte artean jaiotakoek), Futbol Eskolan izena emateko aukera. Futbol Eskolan parte hartzeko, Eskola Kiroleko, Kirolaz Josta edo Futbol-Eskubaloian izena emana eduki beharko du gaztetxoak.
Bestalde, asteburu honetan abiatuko dute 2013-2014 denboraldi berria, Usurbil FT-ko kideek. Hauek dira momentuz, eta aldaketarik ez bada, etxean jokatuko duten taldeak:
FUTBOLA
Irailak 28, larunbata
11:00 Kadete F-11.
15:30 Regionalak.
Tokia: Harane.