Urriko bigarren osteguna etzi, otordu baten bueltan biltzeko aukera egongo da beste behin, Usurbilgo Gaztetxean. Afari beganoa antolatu baitute urriaren 10erako. 20:30etan ekingo diote jan edanari, guztia, borondatearen truke. Alkartasuna Kooperatibaren egoitza ohian deitu duten afaria, "San Praixkuen etenalditxoa aprobetxatuz, bigarren astebururako indarrak hartzeko" izango da. Bertaratzeko gonbita luzatzen dute Gaztetxetik.