Azken urteotako tradizioari eutsiz, urriaren 12a beste modu batean bizitzeko aukera eskainiko dute aurten ere Zubieta Lantzeneko kideek; Euskal Jaia antolatu baitute larunbat honetarako. Aurten gainera, bertso-pilota ikuskizuna izango da bezpera egun honetan, 22:00etatik aurrera. Unai Gaztelumendi eta Beñat Iguaran arituko dira bertsotan. Pilotariak, binaka: Urmeneta-Urruzola / Huizi-Arruti. Ikusi eta entzutekoa izango da, urriaren 12ko Euskal Jai bezpera honetan ospatuko den hitzordua.
Bihar berriz, goizetik iluntzera Euskal Jaia Zubietan. Erakusketa, kantu-jira, erromeri, hamaiketako edota herri bazkariarekin. Bertaratu asmo duzuenoi, baserritarrez jantzita agertzeko gonbita luzatzen zaizue. Hortik aurrera, festa giroan murgilduko da Zubieta, goizetik iluntzera:
ZUBIETAKO EUSKAL JAIA
Urriak 11, ostirala
22:00 Bertso-pilota ikuskizuna Zubietako frontoian:
Bertsolariak: Unai Gaztelumendi eta Beñat Iguaran.
Pilotariak: Urmeneta - Urruzola / Huizi - Arruti
Urriak 12, larunbata
Gozatu jaiaz eta zatoz baserritarrez jantzita!
Goizean zehar, pottoken erakusketa eta ugalketarako neurketa.
12:00 Trikitilariak eta euskal arrazako animalien erakusketa.
Ondoren, hamaiketakoa eta kantu-jira.
14:00 Herri bazkaria Araeta jatetxean. Txartelak Araetan salgai, urriaren 9ra arte.
18:30 Erromeria Itzartu taldearekin.
Antolatzailea: Zubieta Lantzen.
Laguntzailea: Usurbilgo Udala.