Mus Txapelketa antolatu du Aitzaga Elkarteak ikasturte berri honetarako ere. Karta jokoaren hasiera, Espainiako Auzitegi Nazionalean ostegunean hastekoa den 35/02 sumarioari loturiko epaiketarekin egokitu da aurten. Gogoan izan, 36 lagun eta 110 herriko taberna edo elkarte epaituko dituzte bihartik aurrera; tartean da, Aitzaga Elkartea bera ere. Epaiketaren hasiera dela eta, bihar elkarretaratzea deitu da 19:30etan Mikel Laboa plazan.
Eta gero aipatu moduan, ostiralean abiatuko da Aitzagako Mus Txapelketa. Gaueko 22:00etan, elkartean. Izena ematea ordea, ordu erdi lehenago, 21:30etan zabalduko dute antolatzaileek. Ekimenean parte hartzeko, bikote bakoitzak 25 euro ordaindu beharko ditu. Lehen jardunaldi honetan, honako sariok lortu ahal izango dituzte:
1. 2 arkume, 8 txangurro, 2 txanpain (eta 240 puntu).
2. 2 txerrikume, 6 txangurro, 2 txanpain (eta 160/220 puntu).
3. 2 txerrikume, 4 txangurro, 2 txanpain (eta 80/140 puntu).
4. 4 koneju, 2 txangurro (eta 80/140 puntu).
5,6,7 eta 8. 0/60 puntu.
"LIBRE"
Ostegunean hasiko den epaiketaren harira, "Libre" ekimenarenpean, hainbat hitzordu deitu dira asteotarako:
Urriak 17, osteguna
19:30 Elkarretaratzea Mikel Laboa plazan, epaiketaren hasiera dela eta.
Urriak 18, ostirala
21:30 Aitzagako XI. Mus Txapelketako lehen jardunaldia elkartean. Izen ematea, 21:30-22:00 artean. Prezioa bikoteko, 25 euro.
Urriak 26, larunbata
17:30 Manifestazio nazionala Bilboko Jesusen Bihotzetik abiatuta, "Konponbidearen alde. Eskubide guztiak. Libre. Epaiketa politikorik ez" lemapean.
Urriak 29, asteartea
18:00 Mozio aurkezpena, osoko ohiko bilkuran.
Azaroak 1, osteguna
LIBRE gunea, Aitzaga Elkarteak antolatuko duen artisautza azokan.
Oharra: antolaketa lanetan parte hartu edo ekarpenik egin nahi duenak, astelehen arratsaldero 19:00etan bilera Aitzaga Elkartean.
Informazio gehiago: libre.epaiketarikez.org, facebook.com/libre.usurbil, twitter.com/LibreUsurbil edo libreusurbil@gmail.com