Eguberriak, danborrada saioak, eta negu parte honetako ohitura tradizionalen artean datorrena, Santa Ageda bezpera dugu. Makila eskutan, baserritar jantziak soinean, kalera atera eta kopla zaharrak abesteko ohitura berrituko dute hainbat herritarrek, datorren otsailaren 4an. Momentuz Zubietan, Kaxkoan edota Udarregi Ikastolan antolatu dituzte kantu saioak:
Otsailak 4, asteartea
15:00-16:30 Udarregi Ikastolako LH eta DBHkoen kalejira. Antolatzailea: Udarregi Ikastola.
18:30 Kantu eskea Usurbilen, bertsolari eta trikitilariek lagunduta. Makila eskuetan eta egoki jantzita agertzea eskatzen da. Antolatzailea: Kantu Taldea.
Iluntzean, kantu eskea Zubietan.
Entsegu saioa Zubietan
Otsailaren 4an kantu eskean ateratzeko entsegu saioa deitu du Zubieta Lantzenek, datorren urtarrilaren 31rako. Hilabete honetako azken ostiralerako, iluntzeko 19:00etan, Zubietako frontoi atzealdean, Kaxkape egoitzan.