2014ko herriko festak noiztik noiz arte izango diren soilik ez, datozen Santixabeletarako proposamenak ere biltzen hasi nahi du Jai Batzordeak, datorren astelehenerako, otsailaren 24rako deitu duen bileran. Hitzordua arratsaldeko 18:00etarako finkatu dute, Potxoenean. Bilerara gerturatzeko gonbita luzatzen diete, bereziki, Santixabelak antolatzeko lanetan parte hartu asmo duten guztiei:
"Iritsi zaigu berriz ere Santixabel Jaiak antolatzen hasteko garaia. Jaiak antolatzeko lehen bilera otsailaren 24an izango da, 18:00etan Potxoenean. Bilera honetan bi lan egin nahi dira: Santixabeletako egutegia finkatu eta jaietarako proposamenak bildu. Aurtengo Santixabel Jaien antolaketan parte hartu nahi baduzu, zatoz otsailaren 24ko bilerara!".