Astelehenera arte, martxoaren 17ra arte eman daiteke izena, uztailerako Peñaloscintosen (Errioxa) antolatu duten ekimenean. Larunbat honetan, martxoaren 15ean, goizeko 11:00etatik 13:00etara apaiz-etxera hurbilduta apuntatu ahalko dute, LH 5-6 mailetako eta DBH-ko ikasleek. Gogoan izan, aurrematrikulatzeko epea dela Ziortzakoek zabaldu dutena. Uztailean bi txandatan burutuko den udako kanpaldirako plazak mugatuak izango dira.
Larunbatean apaiz-etxera hurbildu eta izen emateko modurik ez duenak, antolatzaileen posta elektronikoko helbide hau balia dezakete; ziortzage@gmail.com. Edota izen emate orriak Parrokiako postontzian ere utzi daitezke, datorren astelehena baino lehen. Eskuorriok Parrokian eta Sutegin jaso ahal izango dira. Argibide gehiago; ziortzage@gmail.com
Ziortzaren udako kanpaldia, ohi bezala, uztailean egingo da, bi txandatan banatuta. Hamalau egun iraungo duen lehenengo txandan DBHkoek parte hartu ahalko dute; uztailaren 8tik 22ra. LH 5 eta 6. mailetako ikasleei zuzenduriko bigarren txanda, laburragoa, uztailaren 22tik 31ra luzatuko da.
