Joko Garbiko Gipuzkoako Txapelketako finalak jokatu zituzten zubietarrek larunbatean, Oiartzungo Elorsoro kiroldegian. Ezker pareteko modalitatean izandako azken neurketotan, zubietarrak txapeldun ditugu. Seniorren taldeak, Joseba eta Josu Aizpurua anaiek 40-36 irabazi zieten Behar Zana taldeko Mitxelena eta Santxezi. Jubeniletan, txapeldunorde amaitu zuten Txomin Bordagaraik eta Antton Arrillagak. Oiartzungo Ondaro eta Leonetek aurre hartu zieten. Azken emaitza; 40-30, etxekoen alde.
Ondoko irudian duzue, Zubieta Gipuzkoako Joko Garbi Txapelketako finalera eraman duen laukotea. Zorionak!
