Elkartruke bat proposatzen digute X. Soinurbil Musika Asteko antolatzaileek, ostegun honetarako. Etxekoen, hau da, Zumartekoen eta Tobera Musika Eskolakoen artekoa. Bateko zein besteko ikasleak bilduko ditu ostegun honetan, 18:30etatik aurrera Sutegiko auditorioan ospatuko den emanaldiak.
Zegama, Segura, Zerain eta Mutiloako neska-mutilak, Usurbilgoekin partekatuko dute kultur etxeko oholtza gaina. Abesbatzak, musika instrumentu desberdinak jotzen dituzten taldeak edota dantzariak tartekatuko dira agertokian. Gaur arrasaldeko saioari loturiko zehaztasun gehiago, X. Soinurbil Musika Asteko egitarauan:
Martxoak 27, osteguna
18:30 Zumarte eta Tobera, Zegama, Segura, Zerain eta Mutiloako ikasleak biltzen dituen musika eskolen emanaldia, Sutegiko auditorioan. Sarrera doan. Parte hartzaileak:
Zumarte Musika Eskolatik:
-Trikitixa eta pandero taldea: “Ikusi mendizaleak” (Herrikoia).
-Saxofoi taldea: “The woodcutter” (Ezezaguna).
-Talde instrumentala: “The flinstones” (Hanna,Barbera), “Ragtime fiddles” (Bruce Chase).
-Zumarte Gazte Abesbatza: “Hiri hartan izan zen” (Mikel Markez).
Tobera, Musika eta Dantza Eskolako egitaraua: “Europa” (Charpentier), “Irish Washerwomen”, “Fiesta”, “Souletino”, “Lassus Trombone”, “John Brown”, “El Campesino Alegre” (Schumann), “Xarmangarria zira” (herri-doinua), “Uso Txuria” (herri-doinua), “Banako” (euskal dantza tradizionala), “Neska Zaharrak” (arin-arina), “Askatasun egarriz” (Lin Ton Taun).
Martxoak 28, ostirala
19:00 Kalejira frontoitik abiatuta. Parte hartzaileak:
-Usurbilgo Kantu Taldea.
-Zumarte Musika Eskolako Abesbatzak, Trikitilari Taldeak eta Txistulari Taldeak.
-Hurbilago, Usurbilgo merkatari eta ostalarien elkartea.
Oharra: kalejira Tipi-Tapan parte hartzen duten tabernetatik igaroko da. Hau da, Txiriboga, Aitzaga, Xarma, Txirristra, Bordatxo, Artzabal eta Txapeldun tabernetatik. Guneotan, 19:00-21:00 artean edariarekin pintxoa doan. Eta gainera Tipi-Tapako 150 euroko erosketa balearen zozketarako zigiluak lortzeko aukera.
Martxoak 29, larunbata
22:00 Usurbilgo pop-rock taldeen kontzertua frontoian. Sarrera doan. Egitaraua:
-Ixakson-ak, Zumarteko taldea.
-Tapiwan, Zumarteko taldea.
-3P4, herriko taldea.
-Tapimax, Zumarteko taldea.
-Nesk-Quik, Zumarteko taldea.
-Juanantzoneko okupak, herriko taldea.
-The Hastelen´s, Zumarteko taldea.
-Zappa, Zumarteko taldea.
-Arto2xar, herriko taldea.
-Ganbarakada, Zumarteko taldea.
Martxoak 30, igandea
Andoaingo musika banda eta abesbatza Usurbilen:
11:30 Kalejira, Zumarte Musika Eskolatik abiatuta.
12:30 Emanaldia frontoian. Sarrera, doan.
Antolatzaileak: Zumarte Musika Eskola eta Usurbilgo Udala.
Soinurbil Musika Asterako antolatzaileek kaleratu duten eskuorria, hemen: Soinurbil