Apirilaren 9ra arte. Apuntatzeko 12 euroko ordainketa egin behar dute Andatzako bazkide eta langabetuek eta 15 eurokoa gainerakoek, Usurbilgo mendizaleen kirol taldeak Kutxanbank-en duen kontu zenbaki honetan: 2095 5069 07 1068489805. Irteerarako plazak mugatuak izango dira. Lehentasuna Andatza MKT-ko kideek izango dute.
Arraras-Gorriti irteera, apirilaren 13an. Martxoaren 9an egin zuten Belate-Arraras ibilbidearen jarraipena izango da, hurrengo txango hau. Irteerara abiatzeko hitzordua, goizeko 7:00etarako finkatu dute, Oiardo Kiroldegian. Joan etorria autobusez egingo da. 21 kilometrotako ibilbidea egitea proposatzen zaie mendizaleei, 5 ordu eta erdi inguruan. Pare bat ohar parte hartzaileentzat; irteera egunean, janaria norberak eraman beharko du, edaria antolatzaileen esku. Otordua, ibilbide amaieran egingo da.
Informazio gehiago: andatzamendizale.info
