Inoizko izen emate kopuru altuenarekin amaitu da Usurbilgo Udalak eta NOAUA! Kultur Elkarteak antolaturiko udako aisialdi eskaintzan izen emateko epea. Astelehen goizetik ostiral arratsalde honetara arte, guztira 4-12 urte arteko 177 haurrek eman dute izena uztailaren 1etik 30era burutuko diren udalekuetarako. 140ko muga gainditu denez, plazen zozketa egingo da maiatzaren 5ean, arratsaldeko 17:00etan Potxoenean.
