Maiatzaren 25ean ospatuko diren hauteskundeetarako mahaikideen zozketa egingo da, apirilaren 29rako deitua dagoen osoko ohiko bilkuran. Bi mozio ere aztertuko dituzte; bat Foru Fondoari buruzkoa eta bestea, Gipuzkoako SOS Arrazakeriak erregistraturikoa. San Marko Mankomunitateko aurrekontuen aurka, Usurbilgo Udalak aurkezturiko auzi-errekurtsoa ere ahotan hartuko dute udal ordezkariek. Hona hemen, datorren asteartean egingo den osoko ohiko bilkurako gai zerrenda osoa:
1-2014ko maiatzaren 25ean izango diren Europako Parlamenturako hauteskundeetako mahaikideen zozketa.
2-Alkatetzako dekretu hauen berri ematea: 2014ko martxoaren 15etik apirilaren 16ra (2014/0242-2014/0366).
3-Hiri Antolamenduko Arau Subsidiarioetako S-6 (Agerreazpi) Sektorean kokatutako udal jabari publikoko 5.201 metro karratuko lursailetik, 55,93 metro karratuko lur zatia desafektatzea, Hiri Antolamenduko Arau Subsidiarioetako A-106 eremuan kokatutako Maria Aranzazu Unanue Roteta andrearen 55,93 metro karratuko lur zati batekin permutatzeko.
4-Eraikuntza, instalazio eta obrei buruzko zergaren ordenantza fiskal arautzailearen baitan, Zugasti baserria birgaitzeko obra, duen interes historiko, artistiko eta kulturalagatik, interes berezikoa izendatzea eta aipatutako zergari %50eko hobaria aplikatzea.
5-2014ko martxoaren 28ko 2014/0292 zenbakidun dekretua berrestea: San Marko Mankomunitateko 2014ko Aurrekontuen aurka auzi-errekurtsoa aurkeztea.
6-Galderak, eskaerak eta mozioak:
6.1.-EH Bilduk aurkeztutako mozioa: Udal Finantziazioaren Foru Fondoaren (UFFF) Likidazioa.
6.2. Gipuzkoako SOS Arrazakeria erakundeak aurkeztutako mozioa: Ceutara iritsi nahian otsailaren 6an hildakoak.
