Baserritarren Eguna ospatuko da ostegun honetan, maiatzaren 15ean; San Ixidro Eguna. Urtero moduan, hainbat herritar bilduko da goizean mezetan. Eta gero, frontoi edo Dema plaza inguruetan; hamaiketakoa goxoa dastatu eta herri kirolen saioa ikusteko. Olaso eta Otamendi bertsolariek girotuko dute goiz partea, baita Artzabalen ospatuko den bertso-bazkaria ere.
Erraldoiak kalejiran
Usurbilgo Erraldoien Konpartsako kideak kalejiran irtengo dira iaz bezala, San Ixidro Egunez, ostegun arratsalde honetan. Gaurko eguneko ekitaldien zerrenda, hemen:
Maiatzak 15, osteguna
San Isidro Eguna
10:30 Meza Nagusia Salbatore Elizan.
Ondoren, hamaiketakoa eta herri kirolak frontoian. Olaso eta Otamendi bertsolarien saioa.
14:00 Bertso-bazkaria Artzabalen, Olaso eta Otamendi bertsolariekin.
18:30 Kalejira Usurbilgo erraldoi konpartsarekin.