Lehia estua izan da. Gogor saiatu dira usurbildarrak, partidako azken segundura arte. Azken emaitzari erreparatu besterik ez dago, Oiardo Kiroldegian bizitakoa adierazteko; 23-22. Oviedok gol bakar bateko aldearekin irabazi die usurbildarrei. Taldeak, Kiroldegira bertaratu diren herritar eta zaletuen babes eta berotasun handia jaso du. "Usurbil!" oihukatuz agurtu dituzte senior mutilak.
Atzoko neurketa 34-24 irabazita, gaurkoa 23-22 galduta, ez da zalantzarik. Igoera fase honetako hirugarren eta azken jardunaldia erabakiorra izango da, dudarik gabe. Usurbildarrek ED Poio Artai taldekoen aurka lehiatuko da, bihar goizeko 10:40etatik aurrera. Lehenago, goizeko 9:00etan, senior mutilen igoera faseko eguneko lehen partida; Puerto del Carmen eta gaurko jardunaldia irabazi berri duen Cronistar Base Oviedo aurrez aurre, Oiardo Kiroldegian. Aupa Usurbil!
