Errepresioak baditu milaka aurpegi. Azken hamarkadetako gatazka politikoak hainbat herritarrengan eragin du, kasu batzuetan, modu larrian. Preso politiko ohiak, espetxean jarraitzen dutenen senideak, Egunkaria auziarengatik atxilotutakoak, 18/98 auziarengatik espetxean egondakoak, iheslariak... Horiek guztiak ordezkatuak egon dira aurtengo soka-dantzan. Hauekin batera, udal korporazioko kideen senideak eta lagunak ere batu dira dantza saiora. Bideo honetan laburbildu dugu aurtengo soka-dantzak eman duena. Euriarengatik, frontoian egin behar izan da. Ez du hainbeste luzitu baina jendeak erruz eskertu du aterpea.