Heldu da jaietako asteburua, eta asteburuarekin, lo orduen gutxitzea, gautxorien joan etorriak, eta kontzertuak. Musika gau bat bestearen atzetik, ostiral honetan hasi eta jaiak amaitu arte. Gaur 23:30etatik aurrera, Arcada Social eta McOnak taldeekin batera, herriko gazte talde bat, Artobixar, eta Euskal Herriko plazetara itzuli berri den beste talde mitiko bat, Kashbad. Denak, frontoiko oholtza gainean, 23:30etatik aurrera. Goizaldean, 3:00ak aldera Zuterpoint txosnetan.
Eta ez dira Usurbila datozen talde bakarrak. Igandera arte, Anai Arrebak edota Boston Jai ere Santixabeletan izango ditugu:
Uztailak 4, ostirala
23:00 Kontzertuak frontoian: Arto Bixar, Arcada Social, Kashbad eta McOnak taldeen eskutik.
03:00 Musika txosnetan, Zuterpoint-en eskutik.
Uztailak 5, larunbata
01:00 Boston Jai taldearekin dantzaldia frontoian.
01:00 Bertsio gaua Askatasuna plazan.
Uztailak 6, igandea
20:00 Kontzertu akustikoa txosnetan: Pelax eta Cawboy Orchestra.
23:30 Anai Arrebak taldekoen kontzertua Askatasuna plazan.