Akabo ikasleen oporraldi luzea. Aste honetatik aurrera, klasean izango dira berriz ikasle guztiak. Udarregi Ikastolaren kasuan, aurreko astean abiatu zuten 2014-15 ikasturtea Haur Eskolan, eta DBH-n. HH eta LHkoak gaur goizean itzuli dira ikasgeletara. Zubietan eta Aginagako Eskola Txikietan bezala, aste honetatik zabalik izango dituzte ikastetxeetako ateak.
Lanbide Eskola
Astelehen goiz honetako 10:00etarako deitu zuen bestalde Lanbide Eskolak, 2014-15 ikasturterako aurkezpen ekitaldia. Bihar, irailaren 9an hasiko dituzte klaseak, goizeko 8:00etan.
Zumarte Musika Eskola
Lanbide Eskolan bezala, astearte honetan, irailaren 9an abiatuko du ikasturte berria baita, Zumarte Musika Eskolak ere. Musika instrumentuetan trebatuko diren taldeak, musika mintzairakoak, abesbatzakoak...