Aginagatik Kaxkora bueltan da berriz Hiria Antolatzako Plan Orokorraren (HAPO) harira, Usurbilgo Udalak asteotarako antolatu duen parte hartze prozesua. Atzo Potxoenean burutu zen lehen bilera; gaia kokatu eta Kaxkoko egoeran zentratu ziren. Euskaraz bideratu zen atzoko saioa. Gaur bigarren bilera, erdaraz, 19:00etatik aurrera Artzabalen.
Egunotan bestalde, 6-16 urte arteko ikasleekin ere gai honi buruzko lanketa berezia burutzen ari dira. Datozen bileren egutegia segidan:
Irailak 17/urriak 1: herriguneko bilerak Artzabalen (erdaraz).
Irailak 18-19: 6-16 urte arteko haur eta gaztetxoekin lanketa berezia.
Irailak 18/urriak 2: Zubietako Kaxkapen.
Irailak 22/urriak 6: Mugikortasuna eta ingurumen gaiak jorratzeko bilerak Potxoenean.
Irailak 23/urriak 7: Jarduera ekonomikoak, komertzioa eta nekazaritza gaiak jorratzeko bilerak Potxoenean.
Irailak 24/urriak 8: Ekipamenduak, zerbitzuak eta azpiegitura gaiak jorratzeko bilerak Potxoenean.
Irailak 25/urriak 9: lurralde antolaketa hizpide dituzten bilerak Potxoenean.
Irailak 29: Aginagako ludotekan.
Urriak 4: herriguneko bilerak, Potxoenean (euskaraz).
Bileren ordutegia: 19:00 (urriaren 4ko bilera ezik, goizeko 10:00etan izango baita).
Gai honi buruzko informazio zabala, parte hartze prozesurako hautaturiko leloa baliatuz, Usurbilgo Udalak martxan jarri duen web orrialde berri honetan: usurbilorainadageroa.com
