Irailak 30 gaur, hilabete honetako azken egun eta azken asteartea; osoko ohiko bilkura ospatuko den eguna beraz. Udalak prestatu duen gai zerrendan, hiru mozio aztertu eta bozkatzea aurreikusten da. Kutxabank eta alkateak zuzenean hautatzeko proposamenen inguruko testuak aurkeztuko dituzte EH Bilduk eta PSE-EEk.
Taxi tarifak, Atalluko Plan Partziala edota Zubietako Eskola Txikien handitze lanak hartuko dituzte ahotan baita, udal ordezkariek:
1.- 2014/04/29ko ohiko bilkurako aktaren onespena.
2.- Alkatetzako dekretu hauen berri ematea: 2014ko uztailaren 21etik irailaren 19ra (2014/0704 – 2014/0886).
3.- Udalbatzarrari komunikazioa: “2013ko otsailaren 8ko 1/2013 Foru Araua, Gipuzkoako toki entitateen aurrekontu egonkortasunaren eta finantza iraunkortasunaren alorretan finantza tutoretzaren eskumena garatzen duena”, 5.3 artikulua.
4.- 2014/0606 dekretua berrestea: Donostiako eta Usurbilgo Udalen arteko hitzarmena onartzea Zubietako Eskola txikia handitzeko eta bi udalen arteko “ZU.03 Zubietako Zabalpenaren gainean akordio bat iristeko oinarriak” izeneko hitzarmenaren egokitzapena.
5.- Atalluko Plan Partzialaren 4. aldaketaren behin betiko onespena.
6.- Hiri Antolamenduko Arau Subsidiarioetako eraikuntza eta erabilera ordenantzen aldaketaren hasierako onespenari aurkeztutako alegazioak erantzutea eta aldaketa behin betikoz onartzea.
7.- 2014 urterako Usurbilgo herri barruko taxien tarifa berriak onartzea.
8.- Galderak, eskaerak eta mozioak:
8.1.- EHBilduk aurkeztutako mozioa: Kutxaren eta Kutxabanken izaera publiko eta soziala.
8.2.- PSE-EEk aurkeztutako mozioa: LOREG-aren aldaketari buruzkoa, alkateak zuzenean hautatzearen inguruan.
8.3.- EHBilduk aurkeztutako mozioa: Alkateen aukeraketa zuzenerako proposamenaren aurrean.