Koadrila ederra batu da goizean Aginagan, oilasko biltzera irteteko. Larunbata goibel esnatu zaigun arren, giro aparta zuten San Praixkuetan murgilduak ziren herritarrek. Batzuk gaupasaz ziren; bart gaueko bertso afari musikatuen saioa, eta ondorengo parranda orduak oilasko biltzaileen kalejirarekin lotu dituzte.
Gainerakoan aurten, bidelagun berriak izan dituzte Aginagako oilasko biltzaileek; joaldunak. Etxez etxeko erronda egin dute guztiek, goizaldetik eguerdi partera. Geldialdietako batean, anaitasun unerik ere bizi izan da.
Gogoan izan, arratsaldean estropadak; Aginagako bandera jokoan, 16:00etatik aurrera Oriako uretan.
2014ko San Praixkuetako azken orduetan gara jada:
Urriak 11, larunbata
16:00 II. Emakumezkoen trainerila txapelketa eta VIII. Gizonezkoen trainerila txapelketa.
19:00 Sardina eta sagardo banaketa herriko plazan.
Bitartean, XXXII. Toka Txapelketa herrikoia.
00:30 ABIBA Diskofesta frontoian.
04:30 Aros DJ Eliza Zaharrean.
Berehala eguna argitu duela? Guri Bost!
Antolatzailea: Aginagako Jai Batzordea.
