Euskal Herri euskalduna izatera heltzeko, Usurbildik euskarari ekarpen garrantzitsua egin diezaiokegula nabarmentzen du asteazken honetako Euskararen Nazioarteko Egunari begira, aurreko asteko osoko bilkuran udalbatzak aho batez onartu zuen mozioak. Herritarrok euskararen arnasguneak zabaltzeko hedatzaile lana egin dezakegula gogorarazten du udal talde guztiek onarturiko adierazpenak.
Eta Euskararen Egun honi begirako mezu bikoitza jasotzen du testuak; "Udalak herritarrak zoriondu eta euskara sustatzeko konpromisoa berretsi nahi du". Hona hemen, azaroaren 25eko osoko ohiko bilkuran aho batez onarturiko mozioa, bere osotasunean:
