Goizeko hamaikak pasatxoan heldu da frontoira zaldi gainean, laguntzaile eta guzti, Kale Nagusitik herri erdigunea zeharkatu duen erregeen postaria. Pilotalekura gerturatu diren haurren gutunak biltzen aritu da, kabalgatarako jada prest den oholtza gainean. Postaria heldu da beraz, erregeak falta orain. Gogoan izan, hiru kabalgata ospatuko direla urtarrilaren bosgarren honetan. Kabalgata bana, Usurbilen, Aginagan eta Zubietan:
Urtarrilak 5, astelehena
Usurbilen
11:00 Erregeen postaria, Ziortzako egoitzatik irtengo da frontoirantz.
Ondoren, haurren gutun bilketa frontoian.
18:00 Errege kabalgataren abiatzea, Urdaiagatik.
19:30 Erregeak frontoira iritsi eta azken ekitaldia.
Antolatzailea: Ziortza.
Zubietan
19:15ak aldera, Errege kabalgata Zubietako plazara iritsiko da.
Antolatzailea: Pilota Elkartea.
Aginagan
17:30 Txokoaldetik, Aginagako errege kabalgataren abiatzea.
