Urtarrilaren 25ean ospatuko den mendi bizikleta martxarako izen ematea zabalik dago jada, kirolprobak.com atarian. Iaz bezala, bi ibilbide egongo dira aukeran; bat motza, 30 kilometro ingurukoa, bestea luzea 40 bat kilometrotakoa. Aldaketak egon daitezke halere, antolatzaileek ohartarazi dutenez: "ibilbidea aldatu daiteke, eguraldiaren baldintza eta mendiaren egoeraren arabera". Proba goizeko 9:30etan hasiko da. Frontoia izango du abiapuntua eta helmuga. Izen emateko epea, urtarrilaren 23ra arte zabalik. Prezioak; 15 euro federatuek, 18 euro federatu gabekoek. Egunean bertan, 22 euro guztiek.
Parte hartzaile guztientzat opariak izango dira helmugan: Craft markako kirolerako kamiseta eta Saizar botila bat sagardo. Honez gain, dozenaka opari zozketatuko dituzte parte hartzaileen artean. Antolakuntzak eskainiko dituen zerbitzuei dagokienez;
-Janaria eta edari beroa bidean.
-Hamaiketakoa helmugan.
-Asistentzia bidean.
-Dutxak Oiardo Kiroldegian.
-Bizikletak garbitzeko mangerak.
Informazio gehiago: andatzamendizale.info atarian.
