Gogoratzen garai bateko frontoi edota Paris etxe zaharraz? Garai bateko herriko txokoak, herritarrak ikusteko aukera izango dugu, Iñaki Agirresarobe usurbildarrak larunbat honetarako, urtarrilaren 24rako antolatu duen diaporaman. Azken hamarkadotako Santixabelei errepasoa emango die, arratsaldeko 18:00etatik aurrera Sutegiko auditorioan eskainiko duen proiekzioan. “Santixabelak 1984-2003” izenburuko diaporama prestatu du. 40 minutuko iraupenekoa, eta bertan urte tarte horietan bilduriko jaietako argazki bilduma ikusi ahal izango dugu, butaka erosoetatik, Sutegiko goxotasunean.
Irudia: Iñaki Agirresarobe.