160 lagun baino gehiago espero dira, igandean ospatuko den Irisasi BTT "Hotzak akabatzen" 2015 probarako. Gogoan izan, apuntatzeko azken eguna dela ostiral hau, urtarrilaren 23a, kirolprobak.com atarian. Prezioak; 15 euro federatuek, 18 euro federatu gabekoek. Egunean bertan, 22 euro guztiek.
Iaz bezala, bi ibilbide egongo dira aukeran; bat motza, 30 kilometro ingurukoa, bestea luzea 40 bat kilometrotakoa, 900 eta 1300 metrotako desnibel positiboarekin hurrenez hurren. Aldaketak egon daitezke halere, antolatzaileek ohartarazi dutenez: "ibilbidea aldatu daiteke, eguraldiaren baldintza eta mendiaren egoeraren arabera". Proba goizeko 9:30etan hasiko da. Frontoia izango du abiapuntua eta helmuga.
Parte hartzaile guztientzat opariak izango dira helmugan: Craft markako kirolerako kamiseta eta Saizar botila bat sagardo. Honez gain, dozenaka opari zozketatuko dituzte parte hartzaileen artean. Honatx antolakuntzak eskainiko dituen zerbitzuak:
-Janaria eta edari beroa bidean.
-Hamaiketakoa helmugan.
-Asistentzia bidean.
-Dutxak Oiardo Kiroldegian.
-Bizikletak garbitzeko mangerak.
Informazio gehiago: andatzamendizale.info atarian.