"Hotzak akabatzen" esnatu zaigu igande goiz hau. Baina eguzkitsu. Eguzki izpien berotasuna eskertuko dute ziurrenik, jada Andatzara bidean diren Irisasi BTT "Hotzak akabatzen" probako parte hartzaileek. Goizeko 9:30ak pasatxoan abiatu dira txirrindulariak, Mikel Laboa plazatik. Andatzatik barrena buelta egin ostean, goiza amaitzerako, frontoian bueltan izango ditugu.
Hamaiketako ederra dastatzeaz gain, parte hartzaile guztientzat opariak izango dira helmugan: Craft markako kirolerako kamiseta eta Saizar botila bat sagardo. Honez gain, dozenaka opari zozketatuko dituzte parte hartzaileen artean.
