2015a ospakizun urtea izango da Ziortza Gazte Elkartekoentzat. Hiru hamarkada bete berri dituzte, ehunka gazteei aisialdi tarte bat eskaintzen. Sare sozialen bidez, urteurreneko mezu berezi hau zabaldu dute azken egunotan. "1985. urtean, gaur bezalako egun batean, Usurbilen gazte kuadrila bat bildu zen Ziortza Gazte Elkartea sortzeko asmoz. Ordutik, 30 urte pasa dira eta hementxe jarraitzen dugu jende berriak, indar eta ideia berriekin. Hala ere, familiez osaturiko familia erraldoi hau ez zen posible izango zu(ek) gabe, ZORIONAK eta ESKERRIK ASKO beraz!!".
Urteurrena bistaratu nahi izan digute. Apaiz etxeko balkoian 30. urteurreneko pankarta bat eseki dute. Sare sozialetan, urtemuga berezi honetarako sortu duten irudi berria ere erakusgai jarri nahi izan dute. Zorionak!
