Heldu da mozorro festa Usurbilera ere. Desfile moduan gainera. Aspaldiko partez, primerako eguraldia izan dute Udarregi Ikastolako Lehen Hezkuntzako ikasleek, inauteriei ongi etorria emateko goizean egin duten kalejiran. 10:00ak pasatxoan, Kaxkotik desfile azkar bat egin dute dantzan, ikasle eta irakasleek. Ostiral honetan, ikuskizun gunean bilakaturiko Kiroldegian amaitu dute ibilbidea.
