Kazetari eta telebistako aurkezle ezagunak, eguraldiaren inguruko bitxikeriak partekatu ditu Esperientzia Eskolako kideekin. Baita bitxikeria pertsonalik ere. Antza, arbaso zubietar eta aginagarrak ditu ETB-ko kazetari eta NOAUA! kide duen Tokikom-eko lehendakariak.
Ekitaldia Usurbilgo Esperientzia Eskolak antolatu du. "Usurbilgo Esperientzia Eskola 55 urtetik gorako Usurbilgo herritarrek, lan mundua utzi ostean, esperientziak landu, elkar-trukatu eta ezagutza berriak eurenganatzeko proiektua da; Usurbilgo Udalak sustatu eta finantzatzen duena. Partaideen garapen pertsonala sustatzea du helburu, ikuspegi fisiko, psikiko eta sozial batetik. Bide bertsutik, taldeak herri-mailan eta gizartean eragiteko duen ahalmena ere lantzen da; hau guztia errealitate soziala aztertu eta interpretatzeko bitartekoak emanaz", Esperientzia Eskolatik prentsa ohar bidez berri eman dutenez.
