Denboraldi bikaina osatu eta Euskadiko txapelketan emaitza ezin hobeak izan ostean, azken fasera heldu dira Usurbil Kirol Elkarteko jubenil nesken taldekoak; Euskadiko Txapelketako finala jokatzera. Martxoaren 27tik 29ra lehiatuko da Nerea Agudok, Ane Herrerok eta Lara Montesek zuzenduriko taldea, Araba, Bizkaia eta Gipuzkoa mailako lehian, goiko postuetan sailkatu diren hiru talde onenekin; Barakaldoko Zuazo, Etxebarriko Kukullaga eta Ermuako Errotabarrikoekin.
Lau taldeotako baten "etxean" erabakiko da nor den Euskadiko onena; Euskal Eskubaloi Federazioak eginiko zozketan erabaki denez, Etxebarrin jokatuko dira azken faseko neurketak. Hitzordua gerturatu ahala, zehaztasun gehiagoren berri ematen doa Federazioa. Ordutegiak ez, baina dagoeneko, partiden egutegia zehaztu dute:
Etxebarrin, azken faseko neurketak
Martxoak 27, ostirala: 1. jardunaldia
Errotabarri Juvenil-Usurbil K.E.
Zuazo Juvenil-Autobuses Juantxu Kukullaga
Martxoak 28, larunbata: 2. jardunaldia
Zuazo Juvenil-Usurbil K.E.
Autobuses Juantxu Kukullaga-Errotabarri Juvenil
Martxoak 29, igandea: 3. jardunaldia
Usurbil K.E.-Autobuses Juantxu Kukullaga
Errotabarri Juvenil-Zuazo Juvenil
Jubenil nesken taldeko kideak
Entrenatzaileak: Nerea Agudo, Ane Herrero eta Lara Montes.
Jokalariak: Leire Furundarena, Eukene Uli, Olatz Uli, Ane Encina, Leire Perurena, Leire Arregi, Natali Izagirre, Maider Zubelzu, Ainhoa Segurola, Paloma Huguet, Maddi Aburruza, Amaia Arruti.
