Korrika igaro osterako, Kaxkotik ibilaldi kulturala antolatu da. Herriko ondareaz, kulturaz zertxobait gehiago ikasi, eta egunero igarotzen garen hainbat txokok atzean duten historia ezagutzeko parada emango digu, ibilbidean zehar egingo diren geldialdietan.
Ibilaldia festa giroan ospatu eta dantza batean amaituko da. Iñorkiñak taldekoen erromeria saioarekin, Mikel Laboa plazan. Eguraldi txarra egingo balu, frontoian. Iñorkiñak, espreski, 19. Korrika eta #Kilometroak15 ekimena bateratuko dituen jaialdi honetan emanaldia eskaintzeko osatu du, herriko boskote honek: Mikel Alkortak (trikitixa eta abeslaria), Luken Arkarazok (kitarra eta abeslaria), Eneritz Agirrek (abeslari nagusia), Aroa Etxeburuak (baxua) eta Jokin Irastorzak (bateria).
Euskal kanta ezagunak abesten eta dantzatzen jarriko gaituzte Korrika Egun honetan, martxoaren 22an. “Euskal Herriko taldeek jotzen dituzten abesti ezagunenetarikoak joko ditugu”, taldetik aurreratu digutenez.
Martxoak 22, igandea
Eguerdian, 13:00ak aldera Zumarteko trikitilari taldearen kalejira.
13:41 Korrikaren lekukoa hartzea, Lasartetik Zubietako hipodromora doan zubian. Zubietatik Santuenera eta Santuenetik Kaxkora.
14:00-14:10 alderako 19. Korrika Kaxkoan: Oxtape, Kalezar eta Mikel Laboa plaza ondoko errotonda zeharkatu ostean, Udaletik behera Kale Nagusira, eta euskaltegi paretik N-634 errepidera, Aginagarantz.
14:20 aldera, 19. Korrika Aginagan.
14:40 aldera, Mapilera heldu eta oriotarrek hartuko dute lekukoa.
18:00 Ibilaldi kulturala, Dema plazatik abiatuta.
Ibilaldiaren amaieran, Iñorkiñak taldearekin erromeria Mikel Laboa plazan (eguraldi txarrarekin, frontoian).
Martxoak 23, astelehena
15:20 Korrika Txiki Udarregi Ikastolako irakasle eta ikasleen eskutik. 3 zutabe abiatuko dira Urdaiaga eta Kalezarretik:
Urdaiagatik
15:20 Urdaiaga: DBH2 eta DBH4.
Santuenea: LH6 D.
Bizkarre: LH4 A eta B.
Antxeta jatetxea: LH2.
Bordatxo taberna: HH3.
Helmuga: frontoia.
Haur Eskolatik
15:30 Kalezar, Haur Eskolatik: LH6 A eta B.
Olarrondo: LH 5.
Atxegalde, Karobi taberna: LH3.
Gaztelekua: HH5.
Helmuga: frontoia.
Ibarrolatik
15:30 Kalezar, Ibarrola baserritik: DBH1 eta 3.
Kalezar gurutzatu eta Kaxkora jaisten den aldapan: LH4 D.
Labe Txiki: LH1.
Patri jatetxea: HH4.
Helmuga: frontoia.
Korrika Txikiaren amaiera frontoian, musika jaialdi batekin.
Ondoren, txokolate dastatzea, Etumeta AEK euskaltegikoen eskutik.
Antolatzailea: Udarregi Ikastola.
Antolatzaileak: 19. Korrika eta #Kilometroak15.
Oharra: behin behineko egitaraua. Aldaketak egon litezke.
Informazio gehiago: