Trintxerpeko abesbatzako kideek eskainitako emanaldiarekin abiatu zen Jubilatu Astea astelehenean. Atzoko etenaldiaren ostean, asteazken honetarako iragarri duten bigarren ekitaldia, botiken erabileraren inguruko hitzaldia, 17:00etan Artzabalen. DYA-ko sendagile batek eskainiko ditu argibideak, bi hizkuntzetan bideratuko duen saioan.
Igandera arte luzatuko da Jubilatu Astea. Bazkari, irteera, edota barreterapia saioa, iragarri dituzten ekitaldien artean:
Martxoak 25, asteazkena
17:00 Hitzaldia: “Botikak nola erabili”.
Hizlaria: DYA-ko sendagile bat. Hitzaldia, euskaraz eta erdaraz.
Martxoak 26, osteguna
9:00 Ibilaldia Laurok liburu denda aurretik abiatuta, Hondarribia eta Guadalupera eta itzulera.
Hamaiketakoa eta bazkariko prezioa: 20 euro bazkideentzat.
Martxoak 27, ostirala
17:00 Hitzaldia: barreterapia.
Martxoak 29, igandea
12:00 Meza, hildako bazkideen alde.
14:00 Bazkaria Aialde Berri sagardotegian. Prezioa: 24 euro bazkideentzat. 29 euro gainerako jubilatuentzat.
Izen ematea: martxoaren 16tik 20ra, Gure Pakea Elkarteak Artzabalen duen bulegoan.
Antolatzailea: Gure Pakea Elkartea.
