Ogasunarekin diru-kontuak argitzeko, 2014ko Errenta Aitorpen kanpaina abian da astelehen honetatik. Autolikidazio proposamenak jaso dituzuenok, apirilaren 13 honetatik ekainaren 25era arteko tartea duzue, onartzeko.
Aurrez halere zergadun bakoitzak, autolikidazio proposamena jasoko duen edo ez jakin dezake. Kontsultak egiteko, sartu gipuzkoa.eus/ogasuna/errenta atarian. Erantzuna baiezkoa bada, hau da, autolikidazio proposamena jasoko duela ikusten duenak, autolikidazio proposamenaren edukia ikusteko aukera du bertan.
Autolikidazio proposamena jasotzerik espero ez duzuenok, errenta mekanizaturako txanda hartu edo aitorpena Internet bidez bideratuko duzuenok alegia, aste amaierara arte itxaron beharko duzue:
Epeak
Honatx Errenta Aitorpena egiteko, finkatu diren datak:
-Apirilak 13-ekainak 25: autolikidazio proposamenak onartzeko epea.
-Apirilak 16-ekainak 5: errenta mekanizaturako txanda eskatzeko epea.
-Apirilak 17-ekainak 25: aitorpenak modalitate mekanizatuan eta Internet bidez aurkezteko epea.
Aurreikuspena, saldo negatiboarekin amaitzea
Gipuzkoako Ogasunak egunotan bidaliko ditu autolikidazio proposamenak etxeetara. Aurtengoan guztira, 238.811, iaz baino 1.863 gehiago (%0,8 gehiago), eta denera, 318,58 milioi euro jasoko dituzte zergadunek. Buruko, 1.098 euro bataz beste. Denera, 380.000 aitorpen tramitatuko direla aurreikusten du Ogasunak, iaz baino 6.000 gehiago. Horietatik, 90.000 zergadunei ordaintzea tokatuko zaie; 155 milioi guztira. Bataz beste, 1.722 euro zergadun bakoitzeko. Halere, 163,5 milioi euroko saldo negatiboa izango du 2014ko Errenta Aitorpenak.
Informazio gehiago:
902 100 040
