Usurbilgo EHBilduk maiatzaren 24ko udal hauteskundeetara aurkeztuko duen hautagai taldea, jendaurreko ekitaldi berezi batean aurkeztuko dute. Igande honetan izango da, apirilaren 26an, eguerdiko 12:30etan Dema plazan. Eguraldi txarra egingo balu, frontoian. “Deialdi honetara herritar guztiak zaudete deituak, izan ere herritarrak izango baitzarete protagonistak. Ekimen berezia, ikusgarria, koloretsua, alaia... izango da, formatu berri batean. Animatu zaitezte!”, Usurbilgo EHBildutik luzatu duten gonbita.
Usurbilgo EHBilduk Xabier Arregi aurkeztuko du alkategai gisa, maiatzaren 24an ospatuko diren udal hauteskundeetara. Osatu duten zerrendan badira egungo udal gobernu taldean diren zenbait kide, baina baita fitxaketa berriak ere. "Esperientzia eta freskotasuna, emakumeak eta gizonak, belaunaldi ezberdinen arteko oreka, heldutasuna eta gaztetasuna, auzoen arteko oreka izan dira kontuan izan ditugun ezaugarriak, zerrenda osatzeko garaian", Usurbilgo EHBildutik berri eman dutenez.
Honatx maiatzaren 24ko udal hauteskundeetara, Usurbilgo EHBilduk aurkeztuko duen hautagai taldea:
Xabier Arregi
Alaitz Aizpurua
Xuban Zubiria
Jone Urdanpilleta
Iñaki Ugarte
Irene Gartzia
Josune Estella
Joxe Mari Iribar
Jon Usarralde
Bego Elexpe
Eustakio Arrojeria
Ixabel Korta
Jose Piñas
Kuluxka Olaizola
Asier Iturralde
Pepi Arruabarrena
Irudiak: Usurbilgo EHBildu.
