Senior nesken eskubaloi taldekoek maiatzaren 15etik 17ra Santanderren jokatuko duten Espainiako Txapelketa ikustera joateko gonbita luzatu dute Usurbil Kirol Elkartetik. Zaletuentzako asteburu pasa antolatzen dabiltza eskubaloi elkartekoak. "Senior nesken azken fasea ikustera joateko aukera luzatu nahi die Kirol Elkarte honek zaletuei. Horretarako honako aukera dute bertara gerturatu nahi duten zaleek: maiatzak 15etik 17ra (bi gau), pentsio osoan, logela bikoitz edo hirukoitzean, 80€ pertsonako. Nahi duenak usurbilke@gmail.com edo 670 070 562 (Jexux) telefonora dei dezala".
Neurketen egutegia prest
Zilarrezko Ohorezko Mailara igotzeko aukera eskainiko dien Espainiako Txapelketa noiz eta non jokatuko duten badakigu. Usurbildarrei Santanderreko B sektorean parte hartzea egokitu zaie. Aipatu moduan, maiatzaren 15etik 17ra eta taldeon aurka:
-Jokalekua: Santanderreko Numancia Kiroldegian.
-Partaideak:
1-Cantabria: OID BM Pereda.
2-Gaztela Leon: A.Olibher Valladolid.
3-Euskadi: Usurbil K.E.
4-Galizia: S.A. Redondela.
Maiatzak 15, ostirala
18:15 OID BM Pereda-Usurbil K.E.
21:00 S.A. Redondela-A.Olibher Valladolid
Maiatzak 16, larunbata
18:15 OID BM Pereda-A.Olibher Valladolid
21:00 S.A. Redondela-Usurbil K.E
Maiatzak 17, igandea
10:15 Usurbil K.E.-A.Olibher Valladolid
13:00 OID BM Pereda-S.A. Redondela
Eskubaloia Kiroldegian
Maiatzak 9, larunbata
09:30 Infantil mutilak: Udarregi Usurbil-Pulpo
11:00 Alebin mutilak: Udarregi 5C-Langile A
11:00 ALebin mutilak: Udarregi 5A-Urnieta 5B
12:00 Alebin mutilak: Udarregi 6A-Urnieta 6B
15:30 Kadete neskak: Usurbil K.E. “C”-Pulpo
19:30 Jubenil mutilak: Usurbil K.E.-EreintzaMaiatzak 10, igandea
10:00 Alebin neskak: Usurbil K.E. “A”-Bera Bera
11:30 Infantil neskak: Udarregi A Usurbil-Ereintza
Gipuzkoako Selekzioa
Maiatzak 10, igandea
09:15 Kadete nesken entrenamendu saioa Orioko Kiroldegian. Usurbil K.E.-ko Ainhoa Illarramendi, Malen Azpiazu eta Nahia Arbizu deitu dituzte hitzordura.