Usurbilen ohikoa izaten den moduan, ekitaldiz josia datorkigu maiatzaren 17ko XXXIV. Sagardo Eguna. Orain arte iganderako honako deialdiok jaso ditugu; Sagardo Egunaren Lagunak antolatu dituzten hitzorduez gain, txosna gunekoak eta #Kilometroak15-en aldeko ekimenak. Sagardo Egunerako ekitaldi eskaintzan ez galtzeko, honatx ekimen zerrenda osoa:
Maiatzak 17, igandea
Sagardo Eguneko egitaraua
11:30 Irekiera ekitaldia frontoian.
Goizean zehar, baserriko, labeldun eta Gipuzkoako Sagardogileen Elkarteko sagardoa dastatzeko aukera. Honez gain, pintxo aukera zabala.
Arratsaldean zehar, “Elektro Patxaranga” kaleetan zehar.
Antolatzailea: Sagardo Egunaren Lagunak.
Txosna guneko egitaraua
11:00 Txosnagunearen irekiera.
Egunean zehar, jan edana, talogileak, mariskada eder baten errifa salmenta eta zozketa...
13:00 Euskal presoen eskubideen aldeko elkarretaratzea eta giza-katea Askatasuna plazako bolatoki gaineko terrazara. Han txotx berezia, herriko presoez oroitzeko. Deitzailea: Usurbilen Nahi Ditugu.
18:00 Izeberg taldekoen kontzertua.
Ondoren, erromeria Erokomeri taldekoekin.
Antolatzailea: Ernai Usurbil.
#Kilometroak15-en aldeko ekimenak
10:30-14:00 Gattunk Denda zabalik. Gattunk postua, Argilan parean.
11:30-19:30 Gattunk Tonbola, Argilan parean (18:00-19:00 artean, helduentzako tonbola berezia). Euro bateko boletoak erosi eta sari potoloak eskuratzeko aukera: bizikleta, errealeko baloi eta kamiseta sinatua, telebista, afariak, Pirritx, Porrotx eta Marimototxen opariak, koadroak, nekazal etxean asteburua...
Antolatzailea: #Kilometroak15.