Esker hitzak Zubietako Herri Batzarretik erakundearen osaera berritzeko aurreko igandean ospaturiko hauteskundeetan parte hartu zuten herritar guztiei. "Eskerrik asko bozka ematera hurbildu zineten guztioi!", adierazi dute ohar bidez.
Bozkek erabaki dute, datozen lau urteotan Zubietak izango dituen bi alkateak; Joxe Mari Zubimendi Urdanpilleta eta Juan Narciso Arrillaga Balda. "Hauek, Aizpea Aizpurua, Itziar Basterrika, Mikel Bengoetxea eta Fernando Iturralderekin batera, Zubietako Herri Batzarra osatuko dute 2019 urte bitartean, beti ere, zubietarrokin elkarlanean eta berauen laguntzarekin noski!", adierazi dute Zubietako Herri Batzarretik.
Emaitzak
Usurbil aldeko hautagaien emaitzak:
Aizpea Aizpurua Arroyo 51
Itziar Basterrika Unanue 53
Joxe Mari Zubimendi Urdanpilleta 64
Donostia aldeko hautagaien emaitzak:
Narciso Arrillaga Balda 67
Mikel Bengoetxea Iparragirre 60
Fernando Iturralde Zabala 55
Emaitzok eskutan, legegintzaldi honetan, Zubietako Herri Batzarreko alkate izango dira:
2015-17 artean: Joxe Mari Zubimendi Urdanpilleta.
2017-19 artean: Narciso Arrillaga Balda.
Herri Batzar berria osatzeko ekitaldia, ekainaren 20-21eko asteburuan ospatuko da.
Informazio gehiago: zubieta.eu
