Adi, amaitzear dugun 2014-15 ikasturtean zehar aisialdi begirale edo zuzendari ikastaroak egin edo euskara ikasten aritu zareten usurbildarrok. Udal diru-laguntzak eskatzeko aukera izango duzue laster. Diru-laguntzon oinarriak kaleratu ditu Udalak, ekainaren 2ko Gipuzkoako Aldizkari ofizialean.
Aisialdiko udal diru-laguntzak
Eskaerak aurkezteko epea: ekainaren 15etik 26ra.
Eskariak aurkezteko lekua: udal erregistroa.
Onuradunak izateko baldintzak:
-Usurbilen erroldatua egotea.
-Ikastaroa euskaraz izatea eta Eusko Jaurlaritzak homologatua izatea.
-Ikastaroaren alderdi teorikoa gainditzea eta araututako gehienezko epearen barruan titulua lortzea. Araututako epearen barnean titulua lortu ezean, itzuli egin beharko zaio udalari jasotako diru-laguntza.
Banatuko diren diru-laguntzak:
-Begirale ikastaroa: matrikularen %50 (gehienez ere 250 €).
-Aisialdiko zuzendari ikastaroa: matrikularen %50. (gehienez ere 170 €).
Oinarrien informazioa osorik: Aisialdiko udal diru-laguntzak 2015
Euskarako udal diru-laguntzak
Eskaerak aurkezteko epea: ekainaren 25etik uztailaren 8ra.
Eskariak aurkezteko lekua: udal erregistroa.
Onuradunak izateko baldintzak:
-Usurbilen erroldatua egotea.
-Gutxienez, ikastaro osoan zehar, %80ko asistentzia izatea. (Autoikaskuntzaren kasuan aprobetxamendua ziurtatzea).
-Gutxieneko aprobetxamendua gainditzea: (Euskaltegiak egindako ziurtagiriaren bidez egiaztatu beharrekoa).
Diru-laguntzen zenbatekoa:
-Gehienez, 500 euroko diru-laguntza.
-Ikasle arrunta: Gehienez ere matrikula kostuaren %80ko diru-laguntza (Euskaltegiko 109. urratsa edo HABEren 2. maila arteko baliokideak diren ikasketak gainditu dituen ikasleak) edo %60ko diru-laguntza (Euskaltegiko 109. urratsa baino gehiagoko ikasketak edo HABEren 2. maila baino gorakoak diren ikasketak gainditu dituen ikasleak) jasoko du.
-Ikasle langabetua: gehienez ere matrikula kostuaren %100eko diru-laguntza (Euskaltegiko 109. urratsa edo HABEren 2. maila arteko baliokideak diren ikasketak gainditu dituen ikasleak) edo %80koa (Euskaltegiko 109. urratsa baino gehiagoko ikasketak edo HABEren 2. maila baino gorakoak diren ikasketak gainditu dituen ikasleak) diru-laguntza jasoko du.
Oinarrion informazioa osorik: Euskarako udal diru-laguntzak 2015