Maiatzekoaren ostean, bigarren kafe-tertulia antolatu du Matrakak Usurbilgo Talde Feministak, larunbat honetarako, 11:00etan Potxoenean. "Kafea, gailetak, infusioak... gutixi ezberdinak eta konpainia ezin hobea! Aurrekoan giro intimo eta bereziaz gozatu ahal izan genuen, honetara ez al zara animatuko?", Matraken gonbita.
Ekainak 20, larunbata
11:00 Kafe-tertulia Potxoenean. Gaia: “Zapalkuntza sistema anitzak”. “Nola osatu izan dugu gure emakume nortasuna eta zer du ikusteko horretan diskriminazioak eta bereizkeriak. Sistema sexistaz gain, gure emakume nortasuna zeharkatzen duten zapalkuntza sistema ugari badirela ikusiko dugu, hala nola, etorkin izatea, arraza beltzekoa izatea, lesbiana izatea, hirugarren adinekoa eta abar”.
Antolatzailea: Matrakak.
