Donostiara joateko autoa etxean utzi eta garraio zerbitzu publikoak baliatzeko deia luzatzen dute antolatzaileek. Tren zerbitzu bereziak izango dira. Ohiko zerbitzuez gain, Usurbilen Donostia aldera trena, 10:54ean, eta 15:54ean. Donostiatik Usurbila itzultzeko honako tren zerbitzu bereziok egongo dira: 20:20, 21:20 eta 0:41 (azken zerbitzu hau, Lugaritzetik abiatuko da).
Lurraldebusek ere autobus zerbitzua indartuko du. Donostiara joateko 10:05 eta 11:05etako autobusa da errefortzatu dena eta bueltakoan 20:00, 21:00, 22:00 eta 22:30etako zerbitzuak.
Informazio gehiago:
902 543 210
Uda giroa
Eguraldi eguzkitsua iragarri dute Gure Esku Dagok deitu dituen ekimenetarako. "Igandean termometroek gora egingo dute berriro eta giroak udako itxura hartuko du; barnealdeko maximoak 26-28ºC artekoak izatea espero da, kostaldean brisak merkurioaren igoera eten egingo du eguerdian eta altuenak 24ºC ingurukoak izango dira han. Eguzkia jaun eta jabe egun osoan; hori bai, egunaren hasieran baliteke laino apur bat sortzea eta isurialde atlantikoan behe-hodei batzuk agertzea", Euskalmet-en iragarpena igande honetarako.
