Usurbilgo Pagazpe pilota elkartea nagusitu da Berria Txapelketako finalean. Hernaniko Kiroldegian jokatu da finala eta Markina izan dute aurkari. Kadeteetan, Usurbil 22-04 nagusitu da. Jubeniletan ordea, Markina jaun eta jabe izan da, 22-04 nagusitu zaio Usurbili. Nagusietan zegoen txapelketaren giltza. Xabier Santxo eta Aitor Gorrotxategi nagusitasun osoz aritu dira finalean eta 22-10 irabazi diete Markinakoei. Hamabigarren edizioa du aurtengoa Berria Txapelketak, eta hauxe Usurbilgo Pagazpek irabazi duen lehena. Zorionak denei! Joxe Antonio Errastik jaso du sari nagusia, Pagazpe klubaren izenean