Donostiako Musika Hamabostaldiaren oihartzuna gure herrira ere iritsiko da. Igande honetan, abuztuak 2, Ana Belén García organista gipuzkoarra Usurbilgo Salbatore Elizan arituko da. 20:00etan hasiko da bere emanaldia. Antolatzaileek aditzera eman dutenez, "musikagile handiek organorako transkribaturiko obrak interpretatuko ditu, zeinak ezin hobeto egokitzen baitzaizkion Usurbilgo Mutin/Cavaillé-Coll organoari. Tomás Aragüésen konposizio bat ere emango da kontzertuan, haren 80. urtemuga dela-eta eskainiko dena".
Abuztuak 2 igandea
Ana Belén Garcíaren organo kontzertua.
20:00etan Usurbilgo Salbatore Elizan.
Sarrera doan.
Antolatzailea: Donostiako Musika Hamabostaldia.