Azken txanpara iritsi dira Zubietako Jaiak. Gaupasa Eguna izango da gaurkoa. Eta bihar, San Inazio eguna ospatzearekin batera amaituko dira festak. Argazkian dira Kaotiko taldekoak. Gaur gaueko 00:00etan igoko dira oholtza gainera. Eurekin batera arituko da D-Pintxos taldea eta, gaupasako ordu txikiak alaitzeko xedez, Zesumarekin dantzaldia hasiko da kontzertuaren ondoren.
Uztailak 30 osteguna Gaupasa Eguna
17:00 Ginkana.
19:00 Futbito partida, gazteak ez hain gazteen aurka.
00:00 Kontzertuak: Kaotiko, D-Pintxos.
Zesuma taldearekin goizaldera arte dantza egiteko aukera.
Uztailak 31 ostirala San Inazio eguna
9:00 Zikiro prestaketaren hasiera.
9:30 Meza.
11:30 Errebote partidua.
14:00 Zikiro jana.
18:30 Euskal dantzen emanaldia, Argentinako Necochea Euskal Etxeko Zahar Alai taldearen eskutik.
Ondoren, Buruhandiak.
00:00 Jaien amaiera traka eta suziriekin.
Amaitzeko, Musika txosnan.
Oharrak:
- Jaietan gerta litezkeen ezbeharretan, Zubietako Jai Batzordeak ez du erantzukizunik.
- Musika egunero egongo da txosnetan gau eta egun.
- Jaietan ez da onartuko eraso sexista, homofobo edo arrazistarik.