Udarregi Ikastola osatu eta osatzen duten guztiek, langile, ikasle, senide eta abarrek, herritar guztiek, hitzordua dute, irailaren 12an, eguerdiko 12:30etan Mikel Laboa plazan. Usurbil Herri Anitza 2015 jaialdiaren baitan, "Txamunto" eta #Kilometroak15 eguneko abestia, "Lotzen GaTTunk" guztion ahotsetara, guztiok elkarrekin kantatzera animatzen gaitu Jaione Eskudero musika irakasleak eta urriaren 4ko jaialdia antolatzeko lanean ari den ikuskizun batzordeak.
Ahotsagatik ez larritzeko, helburua ez baita ondo abestea, guztiok parte hartzea baizik. "Ahots denak dira onak. Ez goaz oso ondo abestera, parte hartzera baizik. Hori da garrantzitsuena. Gattunk, #Kilometroak15, ikastola, herria, denok etorri Mikel Laboa plazara", adierazi digu Eskuderok.
Azken entseguak, irailaren 7tik 11ra
Egun osoz Usurbilen ospatuko den Herri Anitza! jaialdiaren baitan egingo den ekimen erraldoi honetako lehen entsegu saioak ekainean ospatu ziren. Ondoko irudi eta bideoan duzue prestaketa saioetako bat. Azkenak berriz, adi, datorren astelehenetik ostiralera izango baitira, irailaren 7tik 11ra. Entsegu saio batzuk taldeka izango dira, baina entsegu saio orokorrak ere programatu dituzte. Hona hemen antolatzaileek finkatu duten egutegia:
Irailak 7, astelehena
Entsegu saioak, Agerialden:
13:00 Ikastolako irakasle espezialistak, zuzendaria eta idazkariak, HEko eta HHko irakasleak eta irakasle ohiak, LHko eta DBHko irakasleak eta irakasle ohiak.
17:30 Jangelako langileak, autobuseko arduradunak, garbitzaileak, mantenuko arduraduna eta arduradun ohiak
18:30 Amak/izebak/amonak, guraso ohiak eta aitak, osabak, aitonak eta guraso ohiak.
Irailak 8, asteartea
12:00 HH, LH eta DBHko ikasleen entsegu saioa, Agerialdeko frontoian.
Irailak 10, osteguna
18:30 Entsegu saio orokorra: ikasle ohiak eta parte hartuko dugun guztiok Agerialdeko frontoian.
Irailak 11, ostirala
18:30 Entsegu saio orokorra Mikel Laboa plazan.
Irailak 12, larunbata
Mikel Laboa plazan:
10:30 Soinu froga.
12:30 Txamunto eta Gattunk! abestera.
Antolatzaileak: Jaione Eskudero Udarregi Ikastolako musika irakaslea eta #Kilometroak15-eko ikuskizun batzordea.
LOTZEN GATTUNK...
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
Hariketan ari
Harik eta behar den artean ari
artean arin
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
lokarri listari sokari hari
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
Hari artean, hari tira hari hari
Hari artean, ahalari tiraka
Hari artean, hariari tiraka ari
Hari artean, hari ariketa
Hari artean, hari tira hari tira
Ahalari tiraka, hariketa hariketa
Hari GaTTunk
ari GaTTunk TTunk
Hari GaTTunk
baGaTTunk ari
Hari GaTTunk
ari GaTTunk
BaGaTTunk hari
hari GaTTunk GaTTunk
Lotu josi heldu
Bai baGaTTunk
ba ote goaz
goaztean
Zitxatoztilakoan, genitxatoztinan, gatoztin
Bai baGaTTunk
Zitxatoztilakoan, genitxatoztinan,
goaztean
Hariketan ari
Harik eta behar den artean ari
artean arin
