Larunbaterako giroa berotzen ari da jada. Ikusi besterik ez zegoen ostegun arratsalde honetan, Agerialde atzealdeko plazak zuen itxura. Ikasle, irakasle, guraso, herritar eta abar arin asko mugitzen aurrera, atzera eta alboetara, besoak gora eta behera. Gogotik prestatzen irailaren 12rako. Denak ondo ikasiak dituzten "Lotzen GaTTunk" eta "Txamunto" abestiak kantatzen eta hauen erritmora taldean dantzan, Jaione Eskudero Udarregi Ikastolako musika irakasleak lankideekin batera gidatu duen entsegu saio orokorrean.
Badator milatik gora ahotsez, denok batera "Lotzen GaTTunk" eta "Txamunto" abestiak kantatzeko egun handia. Ate joka dugu irailaren 12a. Aurretik, gogoan izan, azken entsegu saio orokor bat dagoela programatua ostiral honetarako, ekimen erraldoia ospatuko den toki berean, Mikel Laboa plazan hain zuzen. Antolatzaileek esana dute, Usurbil Herri Anitza jaialdiaren baitan ospatuko den ekimen honetan parte hartzeko ez dagoela aitzakiarik. Helburua ez dela primeran abestea, bertan egotea baizik. Eta ahots kaxkarrik ez dagoela, ahots guztiak izango direla ongi etorriak. Beraz badakizue, oraindik #Kilometroak15 ekimenaren aldeko hitzordu honetan parte hartzeko garaiz zabiltzate. Adi azken deialdiei:
Irailak 11, ostirala
18:30 Entsegu saio orokorra Mikel Laboa plazan.
Irailak 12, larunbata
Mikel Laboa plazan:
10:30 Soinu froga.
12:30 Txamunto eta Gattunk! abestera.
Antolatzaileak: Jaione Eskudero Udarregi Ikastolako musika irakaslea eta #Kilometroak15-eko ikuskizun batzordea.
LOTZEN GATTUNK...
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
Hariketan ari
Harik eta behar den artean ari
artean arin
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
lokarri listari sokari hari
GaTTunk, GaTTunk,
lotzen gattun harira
GaTTunk, GaTTunk,
lotzen GaTTunk lotzen GaTTunk
Hari artean, hari tira hari hari
Hari artean, ahalari tiraka
Hari artean, hariari tiraka ari
Hari artean, hari ariketa
Hari artean, hari tira hari tira
Ahalari tiraka, hariketa hariketa
Hari GaTTunk
ari GaTTunk TTunk
Hari GaTTunk
baGaTTunk ari
Hari GaTTunk
ari GaTTunk
BaGaTTunk hari
hari GaTTunk GaTTunk
Lotu josi heldu
Bai baGaTTunk
ba ote goaz
goaztean
Zitxatoztilakoan, genitxatoztinan, gatoztin
Bai baGaTTunk
Zitxatoztilakoan, genitxatoztinan,
goaztean
Hariketan ari
Harik eta behar den artean ari
artean arin
