Badator estropadetan ikusmin handiena eragin ohi duen eguna. Igandean ospatuko da Kontxako Banderaren bigarren eta azken jardunaldia. Lehia estua biziko da, emakumezko eta gizonezkoen txapelketetan, bandera preziatuena irabazteko estropada erabakigarrian.
Kontxako garaipena ospatzeko hautagaien artean ditugu usurbildarrak. Aurreko igandeko emaitzak eskutan, emakumezkoen txapelketan Sarai Lizaso eta San Juan daude sailkapen buruan. Gertu dituzte aurkariak; 3 segundura, Hibaika eta Zumaia. Gizonezkoetan Alex Udabe eta Hondarribia lehen postuan. Bi segundura Urdaibai. Iñaki Errasti eta Orio hirugarren postuan 15 segundura. Irailaren 13ko bigarren eta azken jardunaldian argituko da Kontxako Bandera nork irabaziko duen:
Emakumezkoak
1- San Juan: 10:36.36
2-Hibaika: 10:38.50
3-Zumaia: 10:39.36
4-Orio; 10:49.42
Gizonezkoak
1-Hondarribia: 19:12.74
2-Bermeo-Urdaibai: 19:14.66
3-Orio: 19:27.18
4-Kaiku: 19:28.56
5-San Juan: 19:35.62
6-Tiran: 19:42.60
7-San Pedro: 19:49.32
8-Donostiarra: 20:13.72
Tren zerbitzu bereziak
Igande honetarako ere, Donostiara joateko Euskotrenek tren zerbitzua indartu du. Orduotan igaroko da trena Usurbildik hiribururantz: 9:24, 9:36, 9:54, 10:24, 10:36, 10:54, 11:24. Informazio gehiagorako: euskotren.eus edo 902 543 210.
