Asteazken goiz honetarako 142 ziren igandean ospatuko den 8. Baxurde Krosserako izena emana zuten kirolariak. Gogoan izan, Baxurde Txiki Usurbilgo Triatloi Taldeak antolaturiko proban apuntatzeko azken egunak direla honako hauek.
26 herritar animatu dira jada eta eman dute izena. Gainerakook sartu, irailaren 19a baino lehen, kirolprobak.com atarian eta egin zuen inskripzioa. Txip horiarekin 10 eurotan apuntatu daiteke, 12 euroren truke txip zuriarekin. 300 lasterkarirentzako lekua egongo da zortzigarren edizio honetan eta bi ibilbide aukeran; 5,20 kilometrotakoa edota 10,75 kilometrotakoa. Frontoian hasi eta amaituko da proba. Lasterkariek irailaren 20an, 10:30etarako bertan egon beharko dute. Urtero moduan, hemen dituzue kontuan hartu beharreko beste ohar batzuk. Izen ematearen truke:
-Parte hartzaile guztientzat asegurua.
-Probaren erdian ur-hornidura (10,75km distantzian).
-Froga amaieran hamaiketakoa.
-Arropa uzteko leku bat izango da lasterketaren irteeratik gertu, frontoian, Mikel Laboa plazaren ondoan.
-Dutxa zerbitzua Oiardo Kiroldegian.
Kilometroak urtearen islada sarietan
Gattunk urtea da honakoa, hilabete eskas baino ez da geratzen urriaren 4ko #Kilometroak15 ekimenerako. Aurten, Baxurde Krosseko sariketan ere nabariko da, ate joka dugula jai egun handia:
- Lehen hiru gizon-emakumezkoentzat saria (10,75km distantzian). Usurbilgo Kilometroak ekimenaren aldeko Gattunk dendan gastatzeko balea:
1- 50€.
2- 40€.
3- 20€.
Eta karrera motzean: 1- 20€.
- Parte hartzaile guztientzat oparia.
-Zozketak: Arrospide kutixi Otarra, Atxegan bazkaria 2 lagunentzat, Patrin bazkaria 2 lagunentzat, Olarrondon bazkaria 2 lagunentzat, Kentuenen bazkaria 2 lagunentzat, Artzabalen bazkaria 2 lagunentzat, 2 tarta, marisko otarra, kirolari profesionalek sinaturiko arropa.
Informazio gehiago: Facebook; Baxurde Txiki
26 usurbildar, izena eman duten lasterkarien artean
Iñigo Alkorta Etxeberria
Izaskun Arrillaga Azkarate
Joseba Belaustegi Cuesta
Cesar de la Fuente Garcia
Maitane Eizagirre Bruño
Saioa Erro Aizpurua
Aritz Esnal
Idoia Ezeiza Iruretagoiena
Iñaki Gerica Juan
Jose Manuel Iñarra Ferreira
Aitor Izagirre Lopetegi
Iñaki Korta
Floren Lantz Bordagarai
Karmele Liceaga Alcantara
Darwin Amilcar Morales Guevara
Ivan Ordoki Illan
Igor Pagola Iparragirre
Arturo Rojas Pedrini
Pablo Roura Martinez
Guiller Rueda Etxeberria
Unai Sagarzazu
Mikel Santiago Garzon
Rosa Uribe Navarro
Jon Mikel Zabala Arizmendi
Jokin Zubiaur Blasco
Gaizka Zumeta Solaberrieta
