Praisku Aranburu Asian da lanean. Urriaren 4an, Kilometroak egunean, ezingo du gure artean egon. Hala ere, urte osoan han eta hemen ibili da #Gattunk mezua zabaltzen. Egunotan, bideo bat igo du youtube-ra, #Gattunkeko banderarekin egindako argazkiez osaturiko ikusentzunezkoa. Modu honetan, kanpoan diren usurbildar denak izan nahi ditu gogoan. Bideoarekin batera, ondoko hitzok igorri dizkigu: "#Kilometroak15 egunean, kanpoan bizi garenok ezingo dugu han izan eta denak egiten ari diren lana eskertzeko asmotan bideo hau egin dut, Asian barrena ibili naizenetan #Gattunkeko banderakin argazki batzuk atereaz".