7. Topa Eszenikaren estreinaldi ikusgarria bart frontoian, Markeliñeren "Carbon Club" antzezlanarekin. Sua, argia eta show-a nagusi, larunbatera arte luzatuko den ekimenaren hasieran.
Gogoan izan, ostiral honetan, 19:30etan Sutegin "Jendartean bidaide" antzezlana estreinatuko dela. Eta larunbatean, "Obarixo biaz":
Irailak 19, larunbata: "Obarixo biaz"
Ordua: 20:00.
Tokia: Sutegiko auditorioa.
Sarrera: 5 euro, egunean bertan.
Taldea: Traman & Brix Ondarrutik.
Zehaztasunak: "Emakumezkoak dira taldeko antzezleak: 20 eta 60 urte arteko ondarrutarrak. Ana Elordi aktoreak zuzentzen du 2007. urtetik Traman & Brix taldea, eta berak zuzendutako antzerki tailer batean elkartutako partaideek osatzen dute taldea".
Antolatzaileak: Antzerki Ekintza eta EHAZE.
Laguntzailea: Usurbilgo Udala.