Igande arratsalde honetan Andoaingo Bastero Kulturgunean jokatu den Gipuzkoako Bertsolari Txapelketako final zortzirenei dagokien azken saioan parte hartu du Asier Azpiroz Iztueta zubietarrak. Bigarren postuan amaitu du Inaxio Usarralde Arantzazi aginagarrak aurkeztu duen hitzordua, Jokin Urangak irabazi baitu. Uranga zuzenean sailkatu da, urriaren 31n Zestoan ospatuko den final laurdenetako saiorako.
Urangak eta beste bost bertsolarik irabazi dituzte azken asteotan jokatu diren final zortzirenetako saioak. Automatikoki hurrengo faserako sailkatu dira guztiak. Eta haiekin, puntuazio altuena lortu duten beste 16 lagun. Tartean, Asier Azpiroz Iztueta zubietarra. Zorionak Asier!
Andoaingo saioko sailkapena
| Jokin Uranga Isuskiza | 457,5 |
| Asier Azpiroz Iztueta | 430,5 |
| Unai Gaztelumendi Arandia | 423,5 |
| Gemma Urteaga Garmendia | 410 |
| Ibai Esoain Urrutia | 405 |
| Antton Fernandez Lasa | 367,5 |
Final laurdenetarako sailkatu diren bertsolariak
| Jokin Uranga Isuskiza |
| Jon Maia Soria |
| Ane Labaka Mayoz |
| Arkaitz Oiartzabal Agirre Xamoa" |
| Nerea Elustondo Plazaola |
| Felix Zubia Olaskoaga |
| Asier Azpiroz Iztueta |
| Manu Goiogana Bengoetxea |
| Iñigo Mantzizidor Larrañaga "Mantxi" |
| Nahikari Gabilondo Mendizabal |
| Beñat Lizaso Alberdi |
| Ander Lizarralde Jimeno |
| Unai Mendizabal Jauregi |
| Oihana Iguaran Barandiaran |
| Unai Gaztelumendi Arandia |
| Eneritz Artetxe Eizagirre |
| Amaia Iturriotz Etxaniz |
| Beñat Iguaran Amodarain |
| Eli Pagola Apezetxea |
| Iñaki Gurrutxaga Zubimendi |
| Manex Mujika Amunarriz |
| Maider Arregi Markuleta |
| Mikel Artola Izagirre |
Bertsolari talde honi, duela lau urteko txapelketan eskuraturiko postuari esker, aurrez sailkatuta zeuden beste zazpi bertsolarik batuko zaizkio: Agin Laburu, Jexux Mari Irazu, Beñat Gaztelumendi, Jon Martin, Alaia Martin, Iñaki Apalategi, eta Unai Agirre.
Final laurdenetarako sarrerak salgai
Hurrengo asteburuan atsedenaldia hartuko du Gipuzkoako Bertsolari Txapelketak. Final laurdenak urriaren 24tik azaroaren 8ra jokatuko dira. Bost saio guztira. Hitzorduotarako sarrerak salgai daude jada, bertsosarrerak.eus atarian.
Asier Azpiroz Iztuetak urriaren 24an, 17:30etan Urretxu-Zumarragako Ederrena pilotalekuan jokatuko den final laurdenetan parte hartuko du; zubietarrak lehiakide izango ditu, Agin Laburu Rezola, Beñat Iguaran Amondarain, Elixabet Pagola Apezetxea, Jexux Mari Irazu Muñoa eta Nerea Elustondo Plazaola.
Informazio gehiago: bertsozale.eus
